Նորություններ

Վլադիմիր Եղիազարյանի անվան օլիմպիադա

Վլադիմիր Եղիազարյանի անվան օլիմպիադա ծրագրավորումից Հայ-Ռուսական համալսարանում

2017 թ․ մայիսի 21-ին ժամը 10:00-ին Հայ-Ռուսական համալսարանում տեղի կունենա Վլադիմիր Եղիազարյանի անվան անհատական օլիմպիադա ծրագրավորումից, որին մասնակցության համար հրավիրվում են Հայաստանի դպրոցականները և ուսանողները։ Օլիմպիադան անցկացնում է Հայ-Ռուսական համալսարանը  Ձեռնարկությունների ինկուբատոր հիմնադրամի և OMD ՍՊԸ-ի հետ համատեղ:

Փակումը 2017 թ․ մայիսի 24-ին ժամը 14:00 -ն Հայ-Ռուսական համալսարանում:

Վլադիմիր Եղիազարյանի անվան օլիմպիադայի ԱՐԴՅՈՒՆՔՆԵՐԸ տես կից PDF ֆայլում։

51-րդ Մենդելեևյան միջազգային օլիմպիադա (քիմիա)

51-րդ Մենդելեևյան միջազգային օլիմպիադայի (քիմիա) Հայաստանի թիմի արդյունքները
Թիմի ղեկավար՝
- Գալստյան Արմեն՝ ԵՊՀ օրգանական քիմիայի ամբիոնի դասախոս։
Մասնակիցներ՝
- Սաղյան Սպարտակ՝ Վանաձորի մաթեմատիկական և բնագիտական առարկաների հատուկ դպրոց, 12-րդ դաս․ - արծաթ,
- Խաչատրյան Համլետ՝ Վանաձորի մաթեմատիկական և բնագիտական առարկաների հատուկ դպրոց, 12-րդ դաս․ - բրոնզ,
- Կիրակոսյան Սուսաննա՝ Երևանի թիվ 184 ավագ դպրոց, 12-րդ դաս․ - առանց մրցանակի:

Անցկացման վայրը՝ ք. Աստանա, Ղազախստան:

Անցկացման ժամկետները՝ 2017 թվականի ապրիլի 24-ից 29-ը:

Առավել մանրամասն ծանոթացեք այս հղումով․․․

Դպրոցականների առարկայական օլիմպիադա – ք.Գյումրի, 16-17.12.2016թ.

Շիրակի Մ.Նալբանդյանի անվան պետական համալսարանը (նախկինում՝ Գյումրու Մ. Նալբանդյանի անվան պետական մանկավարժական ինստիտուտ) արդեն 6-րդ տարին է, ինչ կազմակերպում է հանրապետական դպրոցական օլիմպիադա մաթեմատիկա, ֆիզիկա, ինֆորմատիկա, կենսաբանություն, քիմիա, աշխարհագրություն, հայոց լեզու և գրականություն, պատմություն, ռուսաց լեզու, անգլերեն, ֆրանսերեն և գերմաներեն առարկաներից: Օլիմպիադան անցկացվելու է երկու օրով. առաջին օրը՝ բնագիտամաթեմատիկական, իսկ երկրորդ օրը՝ հումանիտար առարկաների ուղղությամբ: Այսօր օլիմպիադային իրենց մասնակցությունն են բերել հանրապետության 27 ավագ և միջնակարգ դպրոցների 12-րդ դասարանի թվով 213 աշակերտ.
1. Մաթեմատիկա - 88
2. Ֆիզիկա - 27
3. Ինֆորմատիկա - 12
4. Քիմիա - 34
5. Կենսաբանություն - 44
6. Աշխարհագրություն – 8
Իսկ վաղը կայանալիք հումանիտար առարկաների ուղղությամբ օլիմպիադայի մասնակցության հայտ են ներկայացրել թվով 260 աշակերտ.
1. Հայոց լեզու և գրականություն - 97
2. Պատմություն - 41
3. Ռուսաց լեզու - 19
4. Անգլերեն - 95
5. Ֆրանսերեն - 5
6. Գերմաներեն - 3
Օլիմպիադայի տևողությունը 4 ժամ է: Արդյունքներն ամփոփվելու են նույն օրը, իսկ հաջորդ օրը բոլոր դպրոցների էլեկտրոնային հասցեներին կուղարկվեն միավորների և մրցանակների մասին տվյալներ: Մրցանակների հանձնման համար դպրոցները լրացուցիչ կտեղեկացվեն:
Օլիմպիադային մասնակից դպրոցներն են.
Մասնակիցների ընդհանուր թիվ՝ 472, որից 1-ին օրվա ընթացքում՝ 212 մասնակից, 2-րդ օրվա ընթացքում 260 մասնակից:
ԵՊՀ առընթեր Ա. Շահինյանի անվան ֆիզմաթ հատուկ դպրոց
Երևանի Այբ ավագ դպրոց
Վանաձորի թիվ 5 ավագ դպրոց
Վանաձորի թիվ 11 ավագ դպրոց
Վանաձորի մաթեմատիկայի և բնագիտական առարկաների խորացված ուսուցմամբ հատուկ դպրոց
Գյումրու թիվ 1 ավագ դպրոց
Գյումրու թիվ 2 ավագ դպրոց
Գյումրու թիվ 3 ավագ դպրոց
Գյումրու թիվ 18 մ.դ.
Գյումրու թիվ 26 ավագ դպրոց
Գյումրու թիվ 37 ավագ դպրոց
Գյումրու թիվ 45 մ.դ.
ՇՊՀ մշակույթի վարժարան
ՇՊՀ ավագ դպրոց
Ֆոտոն վարժարան
Գյումրու տնտեսագիտական վարժարան
Ջրափիի մ.դ.
Հոռոմի մ.դ.
Փանիկի մ.դ.
Ազատանի մ.դ.
Անուշավանի մ.դ.
Ախուրյանի Ն. Աղբալյանի անվան ավագ դպրոց
Թորոսգյուղի մ.դ.
Արթիկի թիվ 3 ավագ դպրոց
Արթիկի թիվ 7 ավագ դպրոց

Ուսումնագիտական և արտաքին կապերի գծով պրոռեկտոր՝ Անահիտ Ֆարմանյան

Հարգելի՛ գործընկերներ,
Կից Ձեզ ենք ներկայացնում դեկտեմբերի 16-ին ՇՊՀ-ում կայացած հանրապետական դպրոցական օլիմպիադայի արդյունքները: Արդյունքները կարող եք բողոքարկել 3 աշխատանային օրվա ընթացքում:
Ցավոք անբարենպաստ եղանակային պայմանների պատճառով մի շարք դպրոցներ չկարողացան մասնակցել օլիմպիադային: Օլիմպիադայի տարբերակները և պատասխանները տեղադրված են olymp.am կայքում:
Հարգանքով՝
Լիլիթ Մարգարյան

Հարգելի՛ գործընկերներ,
Կից Ձեզ ենք ներկայացնում դեկտեմբերի 17-ին ՇՊՀ-ում կայացած հանրապետական դպրոցական օլիմպիադայի արդյունքները: Արդյունքները կարող եք բողոքարկել 3 աշխատանային օրվա ընթացքում:
Օլիմպիադայի տարբերակները և պատասխանները տեղադրված են olymp.am կայքում:
Հարգանքով՝
Լիլիթ Մարգարյան

Հարգելի՛ գործընկերներ,
Կից ներկայացնում ենք 2016թ. դեկտեմբերի 16-17-ը ՇՊՀ-ում կայացած հանրապետական դպրոցական օլիմպիադայի վերջնական արդյունենքրը /տես վերջում/ բողոքարկումից հետո:
Հարգանքով՝
Լիլիթ Մարգարյան
Ինֆորմատիկա-առաջադրանքներ,

Միջվարժարանային օլիմպիադա նվիրված Արտաշես Շահինյանի ծննդյան 110-ամյակին

<Շահինյանական օրերի> շրջանակում ս.թ. նոյեմբերի 5-ին ԵՊՀ-ին առընթեր Ա.Շահինյանի անվան ֆիզմաթ հատուկ դպրոցում տեղի ունեցավ միջվարժարանային օլիմպիադա նվիրված ականավոր գիտնական Արտաշես Շահինյանի ծննդյան 110-ամյակին:
Օլիմպիադային, որն անցկացվում էր երեք առարկաներից՝ մաթեմատիկա /7-12-րդ դասարաններ/, ֆիզիկա /9-12-րդ դասարաններ/ և ինֆորմատիկա /ծրագրավորում/, հրավիրված էին մասնակցելու Երևանի Քվանտ վարժարանի, ՀԱՊՀ և ԱՅԲ ավագ դպրոցների, Ա.Շիրակացու անվան ճեմարանի, Գյումրու Ֆոտոն վարժարանի և Վանաձորի Էվրիկա ավագ դպրոցի աշակերտները: Միջոցառմանը մասնակցեց թվով 268 աշակերտ (մաթեմատիկա - 192, ֆիզիկա - 57 և ինֆորմատիկա - 19):
Ստորև ներկայացնում ենք առաջադրանքներ:
Մաթեմատիկա՝ 7-րդ դասարան, 8-րդ դասարան, 9-րդ դասարան, 10-րդ դասարան և 11-12-րդ դասարաններ:
Ֆիզիկա՝ 9-րդ դասարան, 10-րդ դասարան, 11-րդ դասարան և 12-րդ դասարան:
Ինֆորմատիկա՝ ծրագրավորում :
Մասնակիցների
ԱՐԴՅՈՒՆՔՆԵՐԸ տես ներքևում:
Ֆիզմաթ դպրոցի տնօրինություն

«Պոլիտեխնիկական» միջվարժարանային օլիմպիադայում

Հայաստանի ազգային պոլիտեխնիկական համալսարանի Երևանի ավագ դպրոցը ապրիլի 23-ին կազմակերպել էր «Պոլիտեխնիկական» միջվարժարանային օլիմպիադա՝ նվիրված համալսարանի Կիրառական մաթեմատիկայի և ֆիզիկայի ֆակուլտետի դեկան, ՀՀ ԳԱԱ ակադեմիկոս Վանիկ Սուրենի Զաքարյանի 80-ամյա հոբելյանին։
«Պոլիտեխնիկական» միջվարժարանային օլիմպիադայի բացման հանդիսավոր արարողությունը տեղի ունեցավ ՀԱՊՀ-ի Մեծ դահլիճում։ Բացմանը ներկա էին ՀԱՊՀ-ի ռեկտորատի անդամներ, ֆակուլտետների դեկաններ, Հայաստանի առաջատար դպրոցների տնօրեններ, օլիմպիադայի մասնակիցներ։ Հանդիսությունը բացեց ՀԱՊՀ ռեկտոր, պրոֆեսոր Ոստանիկ Մարուխյանը: Ելույթներով հանդես եկան Պոլիտեխնիկի երախտավոր ակադեմիկոս Վ.Ս. Զաքարյանը, ՀԱՊՀ Երևանի ավագ դպրոցի տնօրեն Ա.Առաքելյանը:
Օլիմպիադային մասնակցում էին ՀԱՊՀ ավագ դպրոցը, «Քվանտ» վարժարանը, ՀԱՊՀ Գյումրու «Ֆոտոն» ավագ դպրոցը, Վանաձորի մաթեմատիկայի և բնագիտական առարկաների խորացված ուսուցմամբ դպրոցը, «Մխիթար Սեբաստացի» կրթահամալիրը, Երևանի պետական համալսարանին կից Ա· Շահինյանի անվան ֆիզմաթ հատուկ դպրոցը, Անանիա Շիրակացու անվան ճեմարանը:
Օլիմպիադայի ավարտից հետո մասնակիցները այցելեցին Հայաստանի ազգային ճարտարագիտական լաբորատորիաներ՝ ծանոթացան ժամանակակից տեխնոլոգիաներով ու սարքավորումներով հագեցած լաբորատորիաներին, ինչպես նաև տարաբնույթ հնարավոր մոդելավորումների հիման վրա կատարվող աշխատանքներին։
«Պոլիտեխնիկական» միջվարժարանային օլիմպիադայի փակման արարողությունը տեղի կունենա ապրիլի 30-ին, ժամը 10:00-ին Հայաստանի ազգային պոլիտեխնիկական համալսարանում:

Հերթական հաջողությունը միջազգային Ժաուտիկովյան օլիմպիադայում

Դպրոցականների առարկայական միջազգային օլիմպիադաներում մեր աշակերտների հաջողություններն ամրագրվեցին հերթական ձեռքբերմամբ: Այս անգամ մեր սաները ս.թ. հունվարի 13-19-ին մասնակցեցին Ղազախստանի Ալմաթի քաղաքում անցկացված ամենամյա Ժաուտիկովյան միջազգային օլիմպիադային, որի նպատակն է հայտնաբերել և խրախուսել տարբեր պետությունների այն հատուկ դպրոցներին, որոնց մասնագիտական կողմնորոշման ուղղությունն ընտրված է մաթեմատիկա, ֆիզիկա և ինֆորմատիկա առարկաները:
Օլիմպիադան անցկացվում է թիմային հաշվարկով, որի կազմում պետք է ընդգրկված լինեն 7 մասնակից. 3-ը՝ մաթեմատիկայից, 2-ը՝ ֆիզիկայից և 2-ը՝ ինֆորմատիկայից և 1 կամ 2 ղեկավար:
Յուրաքանչյուր մասնակից իրավունք ունի կատարել առաջադրանքը մայրենի լեզվով: Օլիմպիադայի արդյունքները հաշվարկվում են յուրաքանչյուր առարկայից մասնակցի հավաքած միավորներով, որի արդյունքում հաշվարկվում է թիմի ռեյտինգը՝ թիմի մասնակիցների գումարային միավորով: Լավագույն դպրոցները պարգևատրվում են դիպլոմներով և արժեքավոր նվերներով:
Թվով 12-րդ միջազգային այս ստուգատեսին մասնակցեցին 17 պետությունների 62 թիմերի 409 աշակերտներ: Հայաստանի պատվիրակությունը մասնակցեց 3 թիմով (22 աշակերտ)` Հայաստան-1 անհատական թիմ - ԵՊՀ-ին առընթեր Ա.Շահինյանի անվան ֆիզմաթ դպրոց (մաթեմատիկայից՝ Նարեկ Խանդանյան, Սերգեյ Ներսիսյան և Վահան Մարտիրոսյան, ֆիզիկայից՝ Էդգար Վարդանյան և Արա Մամբրեյան, ինֆորմատիկայից՝ Մուշեղ Շահինյան և Կարեն Մկրտումյան, ղեկավար՝ Սմբատ Գոգյան – ՀՀ ԳԱԱ Մաթեմատիկայի ինստիտուտի ավագ գիտաշխատող, մաթեմատիկայի հանրապետական հանձնաժողովի նախագահ), Հայաստան-2 միացյալ թիմ (մաթեմատիկայից՝ Արսեն Համբարձումյան /Գյումրու Ֆոտոն վարժարան/, Վահագն Ալթունյան և Հովհաննես Սահակյան /Ֆիզմաթ դպրոց/, ֆիզիկայից՝ Աշոտ Մաթևոսյան /Քվանտ վարժարան/ և Միքայել Մկրտչյան /Ֆիզմաթ դպրոց/, ինֆորմատիկայից՝ Լևոն Մուրադյան /Քվանտ վարժարան/ և Համլետ Միքաելյան /Ֆիզմաթ դպրոց/, ղեկավար՝ Ռոբերտ Զոհրանյան - ֆիզմաթ դպրոցի ֆիզիկայի ուսուցիչ), Հայաստան-3 միացյալ թիմ (մաթեմատիկայից՝ Էդուարդ Գոմկցյան և Վարազդատ Ստեփանյան /Ֆիզմաթ դպրոց/, Ալեքսանդր Կարալյան, Սևակ Աբրահամյան և Արեգ Վրթանեսյան /Քվանտ վարժարան/, ֆիզիկայից՝ Հրաչյա Բաբուջյան և Արամ Առաքելյան /Ֆիզմաթ դպրոց/, Էդվարդ Խալաֆյան /Քվանտ վարժարան/, ղեկավար՝ Սամվել Աբաջյան - Մանկավարժական համալսարանի դասախոս):
Ամփոփելով օլիմպիադայի արդյունքները օլիմպիադայի կազմկոմիտեն որոշեց ըստ ռեյտինգավորման աղյուսակի Գրան-պրիի մրցանակը շնորհել Ռուսաստան-7 թիմին (ք.Մոսկվա, №1329 դպրոց, 464,28 միավոր), 1-ին մրցանակը՝ Բուլղարիա-2 թիմին (ք.Սոֆիա, մաթեմատիկական ավագ դպրոց, 460,58 միավոր), 2-րդ մրցանակը՝ Բելոռուսի (ք.Մինսկ, Բելոռուսի Պետական Համալսարանի վարժարան, 401,35 միավոր) և Ռուսաստան-1 (ք.Մոսկվա, Պետական համալսարանի մասնագիտացված ուսումնա-գիտական կենտրոն, 399,6 միավոր) թիմերին, իսկ 3-րդ մրցանակին արժանացան 3 թիմեր՝ Ռուսաստան-3 (ք.Չելյաբինսկ, №31 հատուկ մաթեմատիկական վարժարան, 385,2 միավոր), Սերբիա (ք.Բելգրադ, մաթեմատիկական գիմնազիա, 365,72 միավոր) և Հայաստան-1 (ք.Երևան, ԵՊՀ-ին առընթեր Ա.Շահինյանի անվան ֆիզմաթ դպրոց, 364,99 միավոր) թիմերին:
Միացյալ թիմերի ռեյտինգավորման աղյուսակում Ռուսաստան-11 թիմը (432,2 միավոր) գրավեց 1-ին տեղը, իսկ Հայաստան-2 (294,58 միավոր) և Հայաստան-3 (267,89 միավոր) միացյալ թիմերը՝ համապատասխանաբար 2-րդ և 3-րդ տեղերը:
Անհատական արդյունքներով մեր թիմերի աշակերտներն արժանանա 16 մեդալի՝ 3 ոսկի, 6 արծաթ և 7 բրոնզ:
Մեր մեդալակիրներն են.
ոսկե մեդալներ՝
- Էդուարդ Գոմկցյան, մաթեմատիկա, Ֆիզմաթ դպրոց, 12-րդ դաս.,
- Էդգար Վարդանյան, ֆիզիկա, Ֆիզմաթ դպրոց, 12-րդ դաս.,
- Աշոտ Մաթևոսյան, ֆիզիկա, Քվանտ վարժարան, 12-րդ դաս.,
արծաթե մեդալներ՝
- Նարեկ Խանդանյան, մաթեմատիկա, Ֆիզմաթ դպրոց, 12-րդ դաս.,
- Սերգեյ Ներսիսյան, մաթեմատիկա, Ֆիզմաթ դպրոց, 11-րդ դաս.,
- Արսեն Համբարձումյան, մաթեմատիկա, Գյումրու Ֆոտոն վարժարան, 12-րդ դաս.,
- Արա Մամբրեյան, ֆիզիկա, Ֆիզմաթ դպրոց, 12-րդ դաս.,
- Հրաչյա Բաբուջյան, ֆիզիկա, Ֆիզմաթ դպրոց, 12-րդ դաս.,
- Մուշեղ Շահինյան, ինֆորմատիկա, Ֆիզմաթ դպրոց, 12-րդ դաս.,
բրոնզե մեդալներ՝
- Վահագն Ալթունյան, մաթեմատիկա, Ֆիզմաթ դպրոց, 12-րդ դաս.,
- Հովհաննես Սահակյան, մաթեմատիկա, Ֆիզմաթ դպրոց, 12-րդ դաս.,
- Ալեքսանդր Կարալյան, մաթեմատիկա, Քվանտ վարժարան, 10-րդ դաս.,
- Սևակ Աբրահամյան, մաթեմատիկա, Քվանտ վարժարան, 12-րդ դաս.,
- Միքայել Մկրտչյան, ֆիզիկա, Ֆիզմաթ դպրոց, 11-րդ դաս.,
- Էդվարդ Խալաֆյան, ֆիզիկա, Քվանտ վարժարան, 12-րդ դաս.,
- Կարեն Մկրտումյան, ինֆորմատիկա, Ֆիզմաթ դպրոց, 12-րդ դաս.:
Կարդացեք թեմայի վերաբերյալ այլ նյութեր՝
- Հայաստանի դպրոցականների հաղթական մեկնարկը,
- International Zhautykov Olympiad on Mathematics, Physics and Computer Science,
- Ժաուտիկովյան միջազգային օլիմպիադա

Միջվարժարանային օլիմպիադա ֆիզմաթ դպրոցում

Ս.թ. նոյեմբերի 7-ին ԵՊՀ-ին առընթեր Ա.Շահինյանի անվան ֆիզմաթ հատուկ դպրոցում անցկացվեց ֆիզմաթ դպրոցի հիմնադրման 50-ամյակին նվրված Գրիգոր Բաղդասարյանի անվան միջվարժարանային օլիմպիադա: Օլիմպիադային մասնակցեցին ք. Երևանի ԱՅԲ կրթահամալիրի, ՔՎԱՆՏ վարժարանի, ՖԻԶՄԱԹ հատուկ դպրոցի և ՀԱՊՀ-ի ավագ դպրոցի, ք.Գյումրու ՖՈՏՈՆ վարժարանի, ք.Վանաձորի ԷՎՐԻԿԱ վարժարանի և թիվ 11 ավագ դպրոցի թվով 287 աշակերտներ (ինֆորմատիկայից՝ 28, քիմիայից՝ 36, ֆիզիկայից՝ 59, մաթեմատիկայից՝ 164):

Ամփոփելով օլիմպիադայի արդյունքները հանձնաժողովի անդամները աշակերտներին շնորհեցին I կարգ - 22, II կարգ - 15 և III կարգ - 34 դիպլոմներ ու 35 գովասանագրեր:

Ստորև կարող եք ծանոթանալ օլիմպիադայի առաջադրանքներին և աշակերտների արդյունքներին:

Փորձարարական ֆիզիկայի միջազգային II օլիմպիադա

2014 թ. նոյեմբերի 27-ից մինչև դեկտեմբերի 7-ը Մոսկվայի մարզի Իստրա քաղաքում կայացավ փորձարարական ֆիզիկայի միջազգային երկրորդ օլիմպիադան (IEPhO-2): Օլիմպիադայի կազմակերպիչներն էին Մոսկվայի ֆիզիկատեխնիկական ինստիտուտը (МФТИ), Մոսկվայի քաղաքային կրթության դեպարտամենտը, Մոսկվայի անընդհատ մաթեմատիկական կրթության կենտրոնը (МЦНМО) և ուրիշներ: Օլիմպիադային մասնակցեցին 5 երկրների թիմեր՝ Ռուսաստան, Բուլղարիա, Սլովակիա, Հայաստան, Բելառուս: Օլիմպիադային մասնակցում էին 9-ից 12-րդ դասարանների 180 աշակերտներ: Օլիմպիադայի երեք փուլերից յուրաքանչյուրում աշակերտները պետք է լուծեին 2 փորձարարական խնդիր:
Այդ օլիմպիադային, ինչպես 2013թ. կայացած առաջին օլիմպիադային, Հայաստանը մասնակցեց մեկ թիմով, որում ընդգրկված էին Ա.Շահինյանի անվան ֆիզմաթ հատուկ դպրոցի հինգ աշակերտ՝
  1. Մովսիսյան Աշոտ - XII,
  2. Մովսիսյան Նարեկ - XII,
  3. Թոփչյան Հրանտ - XII,
  4. Վարդանյան Էդգար - XI,
  5. Մամբրեյան Արա - XI,
2013 թ. այդ օլիմպիադայում Հրանտ Թոփչյանը արժանացել էր ոսկե մեդալի: 2014թ. մեր աշակերտները արժանացան երկու մեդալների: Էդգար Վարդանյանը արժանացավ արծաթե մեդալի, իսկ Հրանտ Թոփչյանը՝ բրոնզե մեդալի։
Օլիմպիադայի մանրամասների մասին կարելի է ծանոթանալ http://www.iepho.com կայքում:

Pages