ՀՀ կրթության և գիտության նախարարի պաշտոնակատար Լևոն Մկրտչյանը ս․թ․ մայիսի 24-ին պարգևատրեց 2016-17 ուսումնական տարվա դպրոցական առարկայական օլիմպիադաների առաջին կարգի դիպլոմակիր աշակերտներին:
Նշենք, որ 2016-2017 ուսումնական տարվա դպրոցականների առարկայական օլիմպիադաներին մասնակցել է շուրջ 47500 սովորող: Դպրոցական օլիմպիադաները կազմակերպվում են 16 առարկայից, որոնց հանրապետական փուլին մասնակցել է շուրջ 1700 աշակերտ: Առաջին կարգի դիպլոմների է արժանացել 62, երկրորդ կարգի դիպլոմի` 120, երրորդ կարգի` 156 և գովասանագրերի՝ 219 աշակերտ: