Հայտարարություններ

Թվային տվյալներ դպրոցականների առարկայական օլիմպիադաներից - 2021 թ

Հարգելի գործընկերներ,
Ավարտվեցին 2020-2021 ուսումնական տարվա դպրոցականների առարկայական օլիմպիադաները։
Ստորև ներկայացնում ենք օլիմպիադաների թվային տվյալները։

1. Դպրոցական փուլ․․․
2. Մարզային փուլ․․․
3. Հանրապետական փուլ․․․
Ուշադրություն։ ՆԶՊ առարկայի արդյունքները կհրապարակվեն հանրապետական օլիմպիադայի ավարտից հետո։
Ձեզ հետաքրքրող այլ հարցերի մասին կարող եք լրացուցիչ տեղեկանալ գրելով մեր էլ․փոստի հասցեին՝ info@olymp.am :
Հարգանքով՝
Օլիմպիադաների անցկացման կազմկոմիտե

Մաթեմատիկայի մարզային փուլի Երևանի արդյունքների մասին

Սիրելի աշակերտներ,
Մաթեմատիկայի մարզային փուլի 8-12-րդ դասարանների աշակերտների Երևանի արդյունքները կհրապարակվեն այսօր՝
հունվարի 24-ին, ժամը 14:00-ին:
Բողոքարկումը տեղ կունենա`
- 10-րդ, 11-րդ և 12-րդ դասարանների համար, այսօր՝
հունվարի 24-ին, ժամը 15:00-17:00,
- 8-րդ և 9-րդ դասարանների համար՝
հունվարի 25-ին ժամը 13:00-15:00:

Մոսկվայի ֆիզտեխ համալսարանի օլիմպիադա

Սիրելի աշակերտներ,
Տեղեացնում ենք, որ ս․թ․
հունվարի 24-ին ժամը 10:00-ին ֆիզմաթ դպրոցում կանցկացվի Մոսկվայի ֆիզտեխ համալսարանի կազմակերպած օլիմպիադան։ Օլիմպիադան անց է կացվելու երկու առարկաներից՝ մաթեմատիկա և ֆիզիկա (ցանկացողները կարող են մասնակցել նաև երկու առարկաներից միաժամանակ)։ Մասնակցության համար անհրաժեշտ է գրանցվել abitu.net/event/4103 հղումով, լրացնելով անհրաժեշտ դաշտերը։
Օլիմպիադայում լավագույն արդյունքներ ցուցաբերած աշակերտները ֆիզտեխ համալսարան (նաև Մոսկվայի այլ համալսարաններ) ընդունվելիս կստանան արտոնություններ:
Մասնակիցներին մաղթում ենք հաջողություն:

Երևան քաղաքի դպրոցականների առարկայական օլիմպիադայի տարածքային փուլ - 2020-2021

Ժամանակացույց 2020-2021 ուստարվա Երևան քաղաքի դպրոցականների առարկայական օլիմպիադայի տարածքային փուլի

ՀՀ ԿԳՄՍ հրաման N։1533-Ա/2 /9-11-րդ դաս.օլիմպիադաների հանրապետական փուլեր/

Սիրելի աշակերտներ,
Կից PDF ֆայլի օգնությամբ ծանոթացեք ՀՀ ԿԳՄՍ նախարարի 09.11.2020թ․-ի N։1533-Ա/2 հրամանին՝ դպրոցականների 2019-2020 ուսումնական տարվա 9-11-րդ դասարանների առարկայական օլիմպիադաների հանրապետական փուլի ժամկետների, մասնակիցների թվի և անցկացման վայրերի մասին։

Մ․Վ․Լոմոնոսովի անվան հերթական XLIII մրցույթին գրանցված մասնակիցներին

Սիրելի աշակերներ,
Տեղեկացնում ենք, որ ս․թ․
հոկտեմբերի 4-ին /կիրակի/Երևանի ժամանակով ժամը 8:30-ից սկսված անցկացվելու է Մ․Վ․Լոմոնոսովի անվան հերթական XLIII մրցույթը։ Առաջադրանքները կատարելու համար պետք է մուտք գործել online.olimpiada.ru կայք։
Հաշվի առնելով համավարակի պայմանները, այն այս տարի կանցկացվի առցանց /օնլայն/ ռեժիմով, որի ժամանակ աշակերտներն առաջադրանքները կկատարեն տանից։ Մրցույթի սկիզբն է Երևանի ժամանակով 8:30-ին, իսկ տևողությունը՝ 5 ժամ (300 րոպե), սակայն այն ավարտվելու է Երևանի ժամանակով ժամը 16:00-ին:
Դուք կարող եք մուտք գործել ցանկացած ժամի։ Օրինակ, եթե դուք առաջադրանքները կատարելու համար մուք եք գործել
online.olimpiada.ru կայք ժամը 9:35-ին, այդ դեպքում առաջադրանքների կատարումը կվերջանա 5 ժամ (300 րոպե) անց՝ ժամը 14:35-ին, որի ընթացքում կծախսեք տրամադրված ժամաքանակը, սակայն Երևանի ժամանակով ժամը 11:00-ից հետո նշված կայքը մուտք գործելիս կարող եք կատարել առաջադրանքները ծախսելով 5 ժամից (300 րոպեից) քիչ ժամանակ։ Օրինակ, մուտք գործելով ժամը 12:45-ին մրցույթը կավարտվի ժամը 16:00-ին, սակայն դուք առաջադրանքների կատարման համար կծախսեք 3 ժամ 15 րոպե։ Եղեք ուշադիր։
Ուշադրություն։
1. Մինչև մրցույթի սկսվելը ցանկալի է ծանոթանալ առաջադրանքների կատարման գործընթացին այս հղումով՝
turlom.olimpiada.ru/participation :
2.
online.olimpiada.ru կայքում մուտքագրման դաշտում Код -ը և Ключ-ը նույն հասկացություններն են։ Ключ-ը սկսվում է "tl"-ով (օրինակ՝ tl09/turlom/9/2dq1аg5):
3. Մեկ Ключ-ը հնարավորություն է տալիս 5 ժամում (300 րոպեում) կատարել առաջադրանքներ մի քանի առարկաներից։
4. Մրցույթի պաշտոնական կայքն է՝
turlom.olimpiada.ru ։

Ուշադրություն։ "Որ դասարանում եք սովորում հիմա" հարցին նշել ինչպես ցույց է տրված նկարում - Նկար՝ դասարանի նշում։

ՔԻՄԻԱՅԻ 2021Թ . ՆԱԽԱՊԱՏՐԱՍՏԱԿԱՆ ԽՆԴԻՐՆԵՐ ՕԼԻՄՊԻԱԴԱՆԵՐԻՆ ՊԱՏՐԱՍՏՎԵԼՈՒ ՀԱՄԱՐ

Նախապատրաստական խնդիրները նախատեսված են տվյալ տարվա օլիմպիադային առավել լավ պատրաստվելու համար: Հանրապետական օլիմպիադայում լինելու են նախապատրաստական խնդիրների կառուցվածքին, բարդությանը համազոր և թեմաներին համապատասխանող խնդիրներ: Խնդիրների հետ կապված հարցերի դեպքում Ձեր հարց(եր)ը, առաջարկները և բողոքները կարող եք ուղղել մեզ մեր ֆեյսբուքյան էջի (ՖԵՅՍԲՈՒՔՅԱՆ ԷՋ․․․ ) կամ էլեկտրոնային փոստի (armchemolymp@gmail.com) միջոցով:
Թեմաները բաժանված են ըստ դասարանների՝ 9-րդ, 10-րդ, 11-րդ և 12-րդ դասարաններ /տես կից PDF ֆայլերը/։

ՀԱՅ-ՌՈՒՍԱԿԱՆ ՀԱՄԱԼՍԱՐԱՆԻ “ՈւՍՄՈՒՆՔ” ԴՊՐՈՑԻ ԸՆԴՈՒՆԵԼՈՒԹՅՈՒՆ

ՀԱՅՏԱՐԱՐՈՒԹՅՈՒՆ
2020-2021 ուսւոմնական տարում Հայ-Ռուսական համալսարանը “Ուսմունք” դպրոցի հենքի վրա կազմակերպում է ընդունելություն ավագ դպրոցի 10-րդ դասարանի աշակերտների համար: Կազմակերպվելու են հատուկ դասարաններ ֆիզիկատեխնիկական և քիմիակենսաբանական ուղղություններով, օժտված դպրոցականների համար: Հատուկ դասարաններում դասավանդելու են Հայ-Ռուսական համալսարանի պրոֆեսորադասախոսական կազմի ներկայացուցիչները: Ուսուցումն անվճար է:
Առավել մանրամասն ծանոթացեք կից PDF ֆայլում։

Թվային տվյալներ դպրոցականների առարկայական օլիմպիադաներից - 2020 թ

Հարգելի գործընկերներ,
Ավարտվեցին 2019-2020 ուսումնական տարվա դպրոցականների առարկայական օլիմպիադաները։
Ստորև ներկայացնում ենք օլիմպիադաների թվային տվյալները։

1. Դպրոցական փուլ․․․
2. Մարզային փուլ․․․
3. Հանրապետական փուլ․․․
Ուշադրություն։Անգլերեն, Ֆրանսերեն, Գերմաներեն, Գրականություն, ՀԵՊ, Հայոց լեզու և Ռուսաց լեզու առարկաներից օլիմպիադաներն անցկացվել են 12-րդ դասարանի աշակերտների համար, իսկ Քիմիա առարկայից՝ 11-12-րդ դասրանների աշակերտների համար։ Հանրապետական փուլի մնացած դասարանների սովորողների համար օլիմպիադաները կանցկացվեն 2020 թվականի սեպտեմբեր-հոկտեմբեր ամիսներին։
Ձեզ հետաքրքրող այլ հարցերի մասին կարող եք լրացուցիչ տեղեկանալ գրելով մեր էլ․փոստի հասցեին՝ info@olymp.am :
Հարգանքով՝
Օլիմպիադաների կազմկոմիտե

Pages