Նորություններ

Անցկացվեց Մ․Վ․Լոմոնոսովի անվան հերթական XLII մրցույթը

2020 թ․-ի հոկտեմբերի 4-ին անցկացվեց Մ․Վ․Լոմոնոսովի անվան հերթական XLIII մրցույթը։ Մրցույթին կարող էին մասնակցել 7-ից 12-րդ դասարանների աշակերտները, ովքեր պետք է 5 ժամվա ընթացքում կատարեին առաջադրանքներ քիմիա, աստղագիտություն, մաթեմատիկա, ֆիզիկա, գրականություն, լեզվաբանություն, կենսաբանություն կամ պատմություն առարկաներից: Ի տարբերություն նախորդ տարիների անցկացման ձևաչափի, այս տարի մրցույթն անցկացվեց առցանց /online/ տարբերակով՝ պատճառը համընդհանուր համավարակն էր։ Յուրաքանչյուր մասնակից կարող էր գրանցվել միասնական տեղեկատվական համակարգում (reg.olimpiada.ru) կամ Երևանի Ա․Շահինյանի անվան ֆիզմաթ հատուկ դպրոցից ու Գյումրու Ֆոտոն վարժարանից ստանար համապատասխան բանալին, այն օգտագործելով online.olimpiada.ru կայքում մուտք գործելու և համապատասխան առաջադրանքները կատարելու համար։ Բոլոր առաջադրանքների կատարվելու էին ռուսերեն լեզվով։
Հայաստանյան դպրոցներից մրցույթին մասնակցելու հայտեր ներկայացրեցին թվով
245 աշակերտ /Ա․Երիցյանի անվան ՄՊՀ վարժարան՝ 19, ՀԱՊՀ Երևանի ավագ դպրոց՝ 18, Վանաձորի ԷՎՐԻԿԱ վարժարան` 45, Քվանտ վարժարան` 35, Գյումրու ՖՈՏՈՆ վարժարան` 58 և Երևանի Ֆիզմաթ հատուկ դպրոց՝ 69/, իսկ ըստ դասարանների մասնակից աշակերտների թվային տվյալներն այսպիսին են՝ 7-րդ դաս.՝ 34, 8-րդ դաս.՝ 29, 9-րդ դաս.՝ 43, 10-րդ դաս.՝ 59, 11-րդ դաս.՝ 50 և 12-րդ դաս.՝ 30 (ինքնուրույն գրանցված աշակերտներից թվային տվյալներ չկան):
Մրցույթի առաջադրանքները, լուծումները և մասնակիցների արդյունքները կամփոփվեն և կհրապարակվեն նոյեմբերի 20-ից հետո Մ․Վ․Լոմոնոսովի անվան մրցույթի պաշտոնական կայքում՝ turlom.olimpiada.ru։ Արդյունքները կարելի է տեսնել բացառապես բանալիների օգտագործմամբ, որը չպետք է կորցնել կամ մոռանալ։ Այն պետք է գրանցել որևէ տեղ։
Մրցույթի առաջադրանքներին կարող եք ծանոթանալ այս հղումով՝
բոլոր առաջադրանքները ։

Ֆիզմաթ դպրոցի 2020-2021 ուսումնական տարվա ընդունելություն

Հրապարակվել են Ա․Շահինյանի անվան ֆիզմաթ հատուկ դպրոցի 7-րդ, 8-րդ և 10-րդ դասարաններ ընդունված դիմորդների ՑՈՒՑԱԿՆԵՐԸ /տես կից PDF ֆայլերում/։

Ա․Շահինյանի անվան ֆիզմաթ հատուկ դպրոցում 17.07.2020 թ․-ին անցկացվեց 10-րդ դասարանի ընդունելության քննությունները։ Կից PDF ֆայլերով ծանոթացեք մաթեմատիկայի և ֆիզիկայի արդյունքներին ԲՈՂՈՔԱՐԿՈՒՄԻՑ հետ, ԱՐԴՅՈՒՆՔՆԵՐԻՆ, առաջադրանքներին ու լուծումներին:

Ա․Շահինյանի անվան ֆիզմաթ հատուկ դպրոցում 14.07.2020 թ․-ին անցկացվեց 8-րդ դասարանի ընդունելության քննությունները։ Կից PDF ֆայլերով ծանոթացեք արդյունքներին ԲՈՂՈՔԱՐԿՈՒՄԻՑ հետ, ԱՐԴՅՈՒՆՔՆԵՐԻՆ, առաջադրանքներին և լուծումներին, ինչպես նաև գնահատման չափանիշներին`

Ա․Շահինյանի անվան ֆիզմաթ հատուկ դպրոցում 11.07.2020 թ․-ին անցկացվեց 7-րդ դասարանի ընդունելության քննությունները։ Կից PDF ֆայլերով ծանոթացեք արդյունքներին ԲՈՂՈՔԱՐԿՈՒՄԻՑ հետ, ԱՐԴՅՈՒՆՔՆԵՐԻՆ, առաջադրանքներին և լուծումներին, ինչպես նաև գնահատման չափանիշներին։

Ռուսաստանյան բաց օլիմպիադաներ ԻՆՖՈՐՄԱՏԻԿԱ առարկայից

2020 թ․ փետրվարի 22-ից մարտի 7-ը Ռուսաստանի Դաշնության 3 քաղաքներում /Իննոպոլիս, Դոլգոպրուդնի և Մոսկվա/ անցկացվեցին բաց օլիմպիադաներ ԻՆՖՈՐՄԱՏԻԿԱ առարկայից, որին հաջող հանդես եկան մեր թիմի մասնակիցները։
Innopolis Open – փետրվարի 22-23:
Մասնակցել են 9 երկրների 234 դպրոցականներ, դիպլոմներ են ստացել 57-ը։
Հայաստանից մասնակցել է Սամվել Անդրեասյանը՝ երկրորդ կարգի դիպլոմ:

Technocup – մարտի 1:
Մասնակցել են 7 երկրների շուրջ 600 դրոցականներ, դիպլոմներ են ստացել 144-ը։
Հայաստանի բոլոր 5 մասնակիցները ստացել են դիպլոմներ, Ալեքսանդր Աբելյանը՝ երկրորդ կարգի, Սամվել Անդրեասյանը, Արայի Խալաթյանը, Դավիթ Մարգարյանը և Ռոբերտ Քոչարյանը՝ երրորդ կարգի։

Moscow Workshops Juniors 2020 – մարտի 5-ին:
Մասնակցել են 11 երկրների 172 դպրոցականներ, դիպլոմներ ստացել են 53-ը։
Սամվել Անդրեասյանը ստացել է առաջին կարգի դիպլոմ (8-րդ տեղ), Ալեքսանդր Աբելյանը՝ երկրորդ կարգի, Դավիթ Մարգարյանը՝ երրորդ կարգի։ Մասնակցել են նաև Արայի Խալաթյանը և Ռոբերտ Քոչարյանը։

Moscow Open – մարտի 6-7-ին:
Մասնակցել են 7 երկրների 403 դպրոցականներ, դիպլոմներ և մեդալներ ստացել են 107-ը։
Սամվել Անդրեասյանը և Արայի Խալաթյանը ստացել են երրորդ կարգի դիպլոմներ և բրոնզե մեդալներ։ Մասնակցել են նաև Ալեքսանդր Աբելյանը, Դավիթ Մարգարյանը և Ռոբերտ Քոչարյանը։
Նշենք, որ Սամվել Անդրեասյանը /12-րդ դաս․/, Արայի Խալաթյանը /10-րդ դաս․/, Ալեքսանդր Աբելյանը /11-րդ դաս․/ և Ռոբերտ Քոչարյանը /12-րդ դաս․/ սովորում են Քվանտ վարժարանում, իսկ Դավիթ Մարգարյանը /12-րդ դաս․/՝ ֆիզմաթ հատուկ դպրոցում։
Արմեն Անդրեասյան, Միջազգային օլիմպիադաներում Հայաստանի թիմերի ղեկավար:

Ինֆորմատիկայի օլիմպիադայի փորձնական փուլի խնդիրների լուծումները

Սիրելի աշակերտներ,
Կից pdf ֆայլով ներկայացնում ենք ս․թ․
դեկտեմբերի 5-ին ինֆորմատիկայի օլիմպիադայի փորձնական փուլի խնդիրների լուծումները, որպեսզի պարզ լինի, թե օլիմպիադայի ժամանակ ինչ ֆորմատով պետք է լուծել առաջադրանքները։
Ինֆորմատիկայի օլիմպիադայի կազմակերպիչներ

Հուշամրցույթ-օլիմպիադան անցկացվեց Գյումրու «Ֆոտոն» վարժարանում

2019թ․ նոյեմբերի 1-ին Գյումրու «ՖՈՏՈՆ» վարժարանում անցկացվեց Վ.Բարսեղյանին նվիրված միջվարժարանային հանրապետական հուշամրցույթ-օլիմպիադա քիմիա, կենսաբանություն և աշխարհագրություն առարկաներից, որին մասնակցելու հայտ էին ներկայացրել հանրապետության 14 կրթօջախների 220 աշակերտներ («Ֆոտոն» վարժարան – 56, Մխ, Հերացու ա/դ – 35, Վանաձորի «Էվրիկա» վարժարան – 33, «Քվանտ» վարժարան – 15, ՀՊՏՀ վարժարան – 18, Վանաձորի թ.11 ա/դ – 16, Երևանի թ.118 ա/դ – 9, Գյումրու թ.25 հ/դ - 6, Գյումրու թ.31 հ/դ - 3, Ակադեմիական վարժարան – 8, «Ֆիզմաթ» հատուկ դպրոց – 1, Երևանի թ. 155 հ/դ - 5, Գյումրու թ. 37 ա/դ – 3, Ախուրյանի Ն.Աղբալյանի անվ. ա/դ - 12)։
Ըստ նախապես ներկայացված մշակութային ծրագրի շրջանակներում օլիմպիադայի մասնակից աշակերտները վարժարանի աշխատակիցների և աշակերտական խորհրդի կամավոր աշակերտների ուղեկցությամբ այցելեցին Սուրբ Յոթ վերք եկեղեցի, Մհեր Մկրտչյանի, Հովհ. Շիրազի, Ավ.Իսահակյանի, Ձիթողցոնց տուն-թանգարաններ, ծանոթացան պատմամշակութային կոթողներին, շրջեցին Գորկի –Աբովյան – Ռուսթավելի - Վարպետաց փողոցներով և լսեցին բազմաթիվ պատմություններ քաղաքի և այս հյուրընկալ քաղաքում ապրող բնակիչների մասին:
Օլիմպիադայի մասին տեսանյութը տես
19:33-ից (տեսանյութ․․․):
Կից PDF ֆայլերում ծանոթացեք մրցույթի առաջադրանքներին, ինչպես նաև արդյունքներին։

Միջվարժարանային օլիմպիադա՝ ֆիզմաթ դպրոցում

2019թ․ հոկտեմբերի 27-ին և 28-ին Ա․Շահինյանի անվան ֆիզմաթ հատուկ դպրոցում անցկացվեց հերթական միջվարժարանային օլիմպիադան, որին մասնակցեցին հանրապետության 5 կրթօջախների՝ 342 աշակերտներ (Ֆիզմաթ դպրոց, Քվանտ վարժարան, Շիրակացու ճեմարան, Գյումրու Ֆոտոն վարժարան, ք․Վանաձորի Էվրիկա վարժարան)։
Օլիմպիադայի հանդիսավոր բացման ժամանակ դպրոցի տնօրեն Հ.Նավասարդյանը շնորհավորեց մասնակիցներին և մաղթեց հաջողություններ:
Օլիմպիադային մասնակցեցին մաթեմատիկայից 235 աշակերտ, ֆիզիկայից՝ 75 աշակերտ: Ինֆորմատիկա առարկայի օլիմպիադային մասնակցեցին 5 դպրոցների 18 թիմ, յուրաքանչյուրում 3-ական աշակերտ, ընդամենը 54 մասնակից:
Ինֆորմատիկայի օլիմպիադան անցկացվեց ВКОШП-ի օնլայն ընտրական մրցույթի շրջանակներում: 2019թ. նոյեմբերի 30-ին այս թիմերից լավագույները Թբիլիսիում կմասնակցեն համառուսաստանյան ծրագրավորման բաց առաջնության եզրափակիչ փուլին։
Կից PDF ֆայլերում ծանոթացեք մրցույթի առաջադրանքներին և լուծումներին, ինչպես նաև արդյունքներին։

Անցկացվեց Մ․Վ․Լոմոնոսովի անվան 42-րդ մրցույթի առաջին փուլը

2019թ․ սեպտեմբերի 29-ին Ա․Շահինյանի անվան ֆիզմաթ հատուկ դպրոցում անցկացվեց Վ․Մ․Լոմոնոսովի անվան 42-րդ մրցույթի առաջին փուլը, որին մասնակցեցին հանրապետության 13 կրթօջախների 187 աշակերտներ (ԲՅՈՒՐԱԿՆ կ/հ - 1, ք․Վանաձորի N:11 ա/դ - 1, ՀԵՐԱՑԻ ա/դ – 56, ք․Գորիսի N:4 ա/դ – 1, ք․Երևանի հ/դ-ներ՝ N:27 – 3, N:106 – 1, N:130 – 1, N:150 – 2, N:155 – 1, ՔՎԱՆՏ վարժարան – 11, ՀԱՊՀ ա/դ – 10, ՖԻԶՄԱԹ դպրոց – 70, ք․Վանաձորի ԷՎՐԻԿԱ վարժարան - 29)։ Աշակերտները 6 առարկաներից կատարել են 207 աշխատանք (մաթեմատիկա - 102, ֆիզիկա - 27, քիմիա - 36, կենսաբանություն - 39, աստղագիտություն - 1, ոճաբանություն - 2):
Մրցույթի անցկացման ընթացքում կամավորական աշխատանքներով իրենց մասնակցությամբ աչքի ընկան Շիրակացի ճեմարանի 11-րդ դասարանի աշակերտներ և ՀԱՊՀ-ի 2 ուսանողներ։
Տեղեկացնենք, որ մրցույթի առաջին փուլի արդյունքները կհրապարակվեն 2020 հունվարին, իսկ 11-12-րդ դասարանների հաղթողներ հնարավորություն կստանան մասնակցելու մրցույթի երկրորդ փուլին, որը կանցկացվի ք․Երևանում 2020թ.-ի մարտին։
Կից ծանոթացեք մրցույթի առաջադրանքներին։

4 արծաթե և 3 բրոնզե մեդալներ Մեգապոլիսների 4-րդ միջազգային առարկայական օլիմպիադայում

Ռուսաստանի մայրաքաղաք Մոսկվայում ս․թ․ սեպտեմբերի 1-ից 6-ը անցկացված Մեգապոլիսների 4-րդ միջազգային օլիմպիադայում, որին մասնակցում էին 45 մեծ քաղաքների (մեգապոլիսների) 352 աշակերտներ (87-ը՝ մաթեմատիկա, 88-ը՝ ինֆորմատիկա, 89-ը՝ ֆիզիկա, 88-ը՝ քիմիա), Երևանի թիմը անհատական մրցույթում նվաճեցի 4 արծաթե և 3 բրոնզե մեդալներ, իսկ թիմային հաշվարկում արժանացավ 3-րդ կարգի գավաթի։
Արծաթե մեդալների են արժանացել Քվանտ վարժարանի աշակերտներ Լորետա Արզումանյանը /մաթեմատիկա՝ 11-րդ դասարան/, Սամվել Անդրեասյանը /ինֆորմատիկա՝ 12-րդ դասարան/, Ալեքսանդր Աբելյանը /ինֆորմատիկա՝ 11-րդ դասարան/ և Ա․Շահինյանի անվան ֆիզմաթ դպրոցի աշակերտ Եվա Հունանյանը /ֆիզիկա՝ 12-րդ դասարան/։ Բրոնզե մեդալի են արժանացել Ա․Շահինյանի անվան ֆիզմաթ դպրոցի աշակերտներ Վաչագան Դիլանյանը /մաթեմատիկա՝ 12-րդ դասարան/, Դավիթ Կիրակոսյանը /ֆիզիկա՝ 12-րդ դասարան/ և Արեն Հակոբյան /քիմիա՝ 11-րդ դասարան/։ Երևանի թիմը ղեկավարում էին Ա․Շահինյանի անվան ֆիզմաթ դպրոցից ՏՏ կոորդինատոր-պատասխանատու Դավիթ Մինասյանը, ֆիզիկայի հանրապետական օլիմպիադայի հանձնաժողովի անդամ Հրանտ Թոփչյանը և քիմիայի հանրապետական օլիմպիադայի հանձնաժողովի անդամ Ռոբերտ Հակոբյանը։
Անցկացված թիմային բլից-տուրի արդյունքում Երևանի թիմը զբաղեցրեց 18-րդ հորիզոնականը և արժանացավ պատվոգրի ու
3-րդ կարգի գավաթի։ Բլից-տուրը զուգահեռաբար անցկացվեց տարբեր քաղաքների դպրոցների 8-հոգանոց թիմեր համար, որին Երևանից մասնակցեցին ֆիզմաթ դպրոցի և Քվանտ վարժարանի թիմերը։ Ֆիզմաթ դպրոցի թիմը վաստակեց 43 միավոր և զբաղեցրեց 2-3-հորիզոնականը, իսկ Քվանտ վարժարանի թիմը վաստակեց 40 միավոր և զբաղեցրեց 6-րդ հորիզոնականը։ Երկու թիմերն էլ պարգևատրվեցին գովասանագրերով։
Օլիմպիադայի կազմակերպիչները հոգացել էին նաև մասնակիցների ազատ ժամանակը Մոսկվայիտեսարժան վայրեր այցելություններ կազմակերպելով։ Աշակերտները այցելեցին թանգարաններ, ծանոթացան Մոսկվայի պատմամշակութային կոթողների հետ, ինչպես նաև շոգենավով շրջագայեցին Մոսկվա գետով։
Մեր թիմին հնարավորություն ստեղծվեց այցելել ՌԴ-ում ՀՀ դեսպանատունը, զրուցել դեսպան Վ․Տողանյանի և աշխատակիցների հետ։ Հանդիպմանը հրավիրվել էր նաև Մեգապոլիսների օլիմպիադայի կազմակերպման պատասխանատու Դ․Զարուբինը։ Հավելենք, որ օլիմպիադայի փակման արարողությանը ներկա էր դեսպանատան խորհրդական Կ․Դանիելյանը։
Երևանի թիմի երեք հոգանոց խումբով այցելելեցինք Մոսկվայի նորակառույց հայկական եկեղեցի։ Ծանոթացանք նաև եկեղեցուն կից գործող կրթահամալիրին։
Տեղեկացնենք, որ Մեգապոլիսների 4-րդ միջազգային առարկայական օլիմպիադան թիմային մրցույթ է չորս առարկաներից /մաթեմատիկա, ինֆորմատիկա, ֆիզիկա և քիմիա/, որին կարող են մասնակցել 14-18 տարեկան աշխարհի մեծ քաղաքների աշակերտներ։ Յուրաքանչյուր քաղաք կարող է ներկայացնել 8 մասնակից՝ յուրաքանչյուր առարկայից 2-ական աշակերտ։
Հիշեցնենք, որ Երևանի թիմը 2018 թ․-ի մրցույթում, որին մասնակցում էին 33 քաղաքների 257 աշակերտներ, արժանացել է 3 արծաթե և 5 բրոնզե մեդալների, իսկ թիմային հաշվարկում արժանացել 2-րդ կարգի գավաթի։

Ֆիզմաթ դպրոց ընդունված աշակերտների ՑՈՒՑԱԿՆԵՐԸ

7-րդ դասարան ընդունված աշակերտների ՑՈՒՑԱԿՆԵՐԸ
Դպրոց ընդունվում են երկրորդ փուլում 15,5 և ավելի միավոր ստացած դիմորդները: Տեղափոխման թերթիկը կտրամադրվի ֆիզմաթ դպրոցում օգոստոսի 20-ից:
Անձնական գործերը / ներառյալ բժշկական քարտ (Ձև 026, պատվաստումների մասին Ձև 063, քաղվածք առողջության մասին)/ ներկայացնել օգոստոսի 21-ից 28-ը ներառյալ: Մինչև օգոստոսի 29-ը անձնական գործը չներկայացրած աշակերտը զրկվում է ֆիզմաթ դպրոց ընդունվելուց:

8-րդ դասարան ընդունված աշակերտների ՑՈՒՑԱԿՆԵՐԸ
Դպրոց ընդունվում են երկրորդ փուլում 12 և ավելի միավոր ստացած դիմորդները: Տեղափոխման թերթիկը կտրամադրվի ֆիզմաթ դպրոցում օգոստոսի 20-ից:
Անձնական գործերը / ներառյալ բժշկական քարտ (Ձև 026, պատվաստումների մասին Ձև 063, քաղվածք առողջության մասին)/ ներկայացնել օգոստոսի 21-ից 28-ը ներառյալ: Մինչև օգոստոսի 29-ը անձնական գործը չներկայացրած աշակերտը զրկվում է ֆիզմաթ դպրոց ընդունվելուց:

10-րդ դասարան ընդունված աշակերտների ՑՈՒՑԱԿՆԵՐԸ
Դպրոց ընդունվում են մաթեմատիկայի և ֆիզիկայի քննություններից գումարային 22 և ավելի միավոր ստացած դիմորդները:
Անձնական գործերը / ներառյալ բժշկական քարտ (Ձև 026, պատվաստումների մասին Ձև 063, քաղվածք առողջության մասին)/ ներկայացնել օգոստոսի 21-ից 28-ը ներառյալ:
Մինչև օգոստոսի 29-ը անձնական գործը չներկայացրած աշակերտը զրկվում է ֆիզմաթ դպրոց ընդունվելուց:

Թվային տվյալներ դպրոցականների առարկայական օլիմպիադաներից - 2019

Հարգելի գործընկերներ,
Ավարտվեցին 2018-2019 ուսումնական տարվա դպրոցականների առարկայական օլիմպիադաները։
Ստորև ներկայացնում ենք օլիմպիադաների թվային տվյալները /տես կից PDF ֆայլերը/։
1. Դպրոցական փուլ․․․
2. Մարզային փուլ․․․
3. Հանրապետական փուլ․․․
Ձեզ հետաքրքրող այլ հարցերի մասին կարող եք լրացուցիչ տեղեկանալ գրելով մեր էլ․փոստի հասցեին՝
info@olymp.am :
Հարգանքով՝
Օլիմպիադաների կազմկոմիտե

Pages