Հայտարարություններ

ՀՀ ԿԳՄՍ հրաման N։ 603-Ա/2

Սիրելի աշակերտներ, hարգելի գործընկերներ,
Կից PDF ֆայլի օգնությամբ ծանոթացեք ՀՀ ԿԳՄՍ N։ 603-Ա/2 «13» 05 2020 թ․-ի հրամանին` <Մաթեմատիկա>, <Ֆիզիկա>, <Աստղագիտություն>, <Կենսաբանություն>, <Աշխարհագրություն>, <Պատմություն>, <Ինֆորմատիկա> առարկաների հանրապետական օլիմպիադայի եզրափակիչ փուլերում հաղթած անվանական կրթաթոշակ ստացողների ցանկին։

Վլադիմիր Եղիազարյանի անվան համահայկական բաց ծրագրավորման մրցույթ

2020թ. մայիսի 24-ին առցանց եղանակով անցկացվեց Վլադիմիր Եղիազարյանի անվան համահայկական բաց ծրագրավորման մրցույթը, որը կազմակերպվել էր Հայ-Ռուսական (Սլավոնական) համալսարանի (RAU) կողմից Ձեռնարկությունների ինկուբատոր հիմնադրամի (EIF) աջակցությամբ:
Մրցույթի ԱՌԱՋԱԴԱՆՔՆԵՐԻ և ԱՐԴՅՈՒՆՔՆԵՐԻ մասին առավել մանրամասն կարող եք ծանոթանալ այս հղումով` մրցույթի առաջադրանքները և արդյունքները․․․

Մրցույթը կազմակերպվում է Հայ-Ռուսական (Սլավոնական) համալսարանի (RAU) կողմից Ձեռնարկությունների ինկուբատոր հիմնադրամի (EIF) աջակցությամբ և տեղի կունենա 2020թ. մայիսի 24-ին, Երևանի ժամանակով 12:00-17:00 առցանց եղանակով:
Մասնակցության համար հրավիրվում են դպրոցականներ, ուսանողներ ու ծրագրավորողներ Հայաստանից, Արցախից և սփյուռքից: Անհրաժեշտ է կազմել 2 մասնակցից բաղկացած թիմ (կամ մասնակցել անհատական թիմով) և գրանցվել անցնելով հետևյալ հղումով` https://forms.gle/PYPmQcEEzYBpdDSj8։
Մրցույթի մանրամասներին կարելի է ծանոթանալ նաև ֆեյսբուքյան էջի այս հղումից՝ https://www.facebook.com/events/593914394559247/։

ՀՀ ԿԳՄՍ հրաման N։ 583-Ա/2

Սիրելի աշակերտներ, hարգելի գործընկերներ,
Տեղեկացնում ենք, որ 12-րդ դասարանի աշակերտների համար անգլերեն, գերմաներեն, հայ գրականություն և ռուսաց լեզու առարկաների հանրապետական օլիմպիադաներն անցկացվելու են ս․թ․ հունիսի 5-ին, իսկ ֆրանսերեն, հայոց լեզու և ՀԵՊ առարկաներինը՝ հունիսի 6-ին։ Քիմիա առարկայի օլիմպիադան (միայն տեսական փուլ) կանցկացվի հունիսի 6-ին 11-րդ և 12-րդ դասարանների աշակերտների համար։ Մնացած դասարանների աշակերտների համար օլիմպիադաները կանցկացվեն 2020 թվականի սեպտեմբեր-հոկտեմբեր ամիսներին։
Ծանոթացեք ՀՀ ԿԳՄՍ N։ 583-Ա/2 «12» 05 2020 թ․-ի հրամանին և մասնակիցների ցուցակներին ըստ մարզերի կից PDF ֆայլերում։

Օլիմպիադաներն անցկացվելու են Ա․Շահինյանի անվան ֆիզմաթ հատուկ դպրոցում (հեռ․ 010-20-13-10), սկիզբը ժամը 11:00-ին, ներկայանալ 10:00-ին:
Ուշադրություն։ Օլիմպիադայի մասնակիցներին ուղեկցող անձանց մուտքը դպրոցի տարածք ԱՐԳԵԼՎՈՒՄ Է:

Միջազգային օլիմպիադայի ընտրական փուլի հավակնորդների պարապմունքներ ԿԵՆՍԱԲԱՆՈՒԹՅՈՒՆ առարկայից

ՈՒՇԱԴՐՈՒԹՅՈՒՆ։ Կենսաբանության օլիմպիադայի հանրապետական փուլում I, II և III կարգի դիպլոմների արժանացած 10-րդ, 11-րդ և 12-րդ դասարանների աշակերտները հրավիրվում են մասնակցելու կենսաբանության միջազգային օլիմպիադայի հավակնորդների ընտրական փուլի առաջին պարապմունքին ս․թ․ մարտի 12-ին ժամը 14:00-ին Երևանի N:118 ավագ դպրոցում։
Հանձնաժողովի նախագահ
Գ․Ղուկասյան:
Կից PDF ֆայլում տես մասնակիցների ցուցակը։
Attachment: 

ՀՀ ԿԳՄՍ նախարարի 133-Ա/2 հրամանը՝ ՀԱՆՐԱՊԵՏԱԿԱՆ ՓՈՒԼԻ ԱՆՑԿԱՑՄԱՆ ՎԱՅՐԵՐԻ և ՄԱՍՆԱԿԻՑՆԵՐԻ ԹԻՎԻ մասին

Ղեկավարվելով ՀՀ կրթության և գիտության նախարարի 2011 թվականի ապրիլի 5-ի N280-Ն հրամանով հաստատված Հավելվածի 5-րդ կետի 12-րդ ենթակետի, 6-րդ կետի 1,2,4-րդ ենթակետերի պահանջներով`
ՀՐԱՄԱՅՈՒՄ ԵՄ
Հաստատել Հայաստանի Հանրապետության դպրոցականների 2019-2020 ուսումնական տարվա առարկայական օլիմպիադաների.
1) Հանրապետական փուլի անկացման վայրերը` համաձայն հավելված N 1-ի:
2) Հանրապետական փուլի մասնակիցների թիվը` համաձայն հավելված N 2-ի:
ՆԱԽԱՐԱՐ ԱՐԱՅԻԿ ՀԱՐՈՒԹՅՈՒՆՅԱՆ
Տես կից ֆայլը։

ՀՀ ԿԳՄՍ նախարարի 132-Ա/2 հրամանը՝ ՀԱՆՁՆԱԺՈՂՈՎՆԵՐԻ ԿԱԶՄԵՐԻ ՄԱՍԻՆ

Ղեկավարվելով Հայաստանի Հանրապետության կրթության և գիտության նախարարի 2011 թվականի ապրիլի 5-ի <<Հայաստանի Հանրապետության դպրոցականների առարկայական օլիմպիադաների անցկացման կարգը հաստատելու մասին>> N 280-Ն հրամանով հաստատված <<ՀՀ դպրոցականների առարկայական օլիմպիադայի կազմակերպման և անցկացման կարգի>> 4-րդ կետի 3-րդ ենթակետի պահանջներով`
ՀՐԱՄԱՅՈՒՄ ԵՄ
1. Հաստատել ՀՀ դպրոցականների առարկայական օլիմպիադաների հանրապետական հանձնաժողովների կազմերը 16 առարկաներից` համաձայն 1-16 հավելվածների:
2. Հրամանի կատարման ապահովումը հանձնարարել հանրակրթության վարչության նախադպրոցական և միջնակարգ կրթության բաժնին /պետ՝ Ս.Ազատյան/:
3. Հրամանի կատարման հսկողությունը վերապահել հանրակրթության վարչությանը /պետ` Ա. Արշակյան/:
ՆԱԽԱՐԱՐ ԱՐԱՅԻԿ ՀԱՐՈՒԹՅՈՒՆՅԱՆ
Տես կից ֆայլը։

ԵՊՀ-ի 2020 թ․-ի դպրոցականների օլիմպիադաներ

Ի գիտություն դպրոցների տնօրեններին,
Տեղեկացնում ենք, որ ս․թ․
մարտի 14-ին մեկնարկում են ԵՊՀ-ի 2020 թ․-ի դպրոցականների օլիմպիադաները, որին կարող են մասնակցել 12-րդ դասարանների աշակերտները։ Առավել մանրամասն ծանոթացեք կից փաստաթղթերին։
1. ԵՊՀ մինչհամալսարանական կրթության վարչության նամակը:
2. ՀՀ ԿԳՄՍ ԵՊՀ-ի նամակը։

Մարզային և հանրապետական փուլերի ժամկետները - 2020

ՀՀ ԿԳՄՍ նախարարի հրամանը
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴՊՐՈՑԱԿԱՆՆԵՐԻ 2019-2020 ՈՒՍՈՒՄՆԱԿԱՆ ՏԱՐՎԱ ԱՌԱՐԿԱՅԱԿԱՆ ՕԼԻՄՊԻԱԴԱՆԵՐԻ ՄԱՐԶԱՅԻՆ/ԵՐԵՎԱՆԻ ՔԱՂԱՔԱՅԻՆ/, ՀԱՆՐԱՊԵՏԱԿԱՆ ՓՈՒԼԵՐԻ ԺԱՄԿԵՏՆԵՐԸ ՀԱՍՏԱՏԵԼՈՒ ՄԱՍԻՆ
Փոփոխություն N1384-Ա/2 հրամանում
տես կից ֆայլերում․․․

Երևան քաղաքի տարածքային փուլի ԺԱՄԱՆԱԿԱՑՈՒՅՑԸ

Երևան քաղաքի դպրոցականների առարկայական օլիմպիադայի տարածքային փուլի ԺԱՄԱՆԱԿԱՑՈՒՅՑԸ տես կից PDF ֆայլում։

Քիմիա առարկայի օլիմպիադայով բոլոր հետաքրքրվողներին – 2-րդ դասախոսության

Մեծարգո ուսուցիչներ և աշակերտներ,
Սիրով հրավիրում ենք բոլորիդ ՀՔՕ 2020-ի երկրորդ դասախոսությանը, որը տեղի կունենա սույն թվականի
դեկտեմբերի 14-ին ԵՊՀ-ում։ Դասախոսությունը կսկսվի ժամը 11։00-ին և կավարտվի 16։00-ին (13։00-14։00՝ ընդմիջում)։ Երկրորդ դասախոսության թեմաներն են`
1. Կինետիկա։ Ռեակցիայի կարգը (դասախոս՝ Դավինյան Անդրանիկ)։
2. Թերմոդինամիկա։ Երկրորդ օրենքը (դասախոս՝ Աղեկյան Մովսես)։
3. Քիմիական լաբորատորիայի անվտանգության կանոններ։ Սինթեզում կիրառվող գործողություններ (դասախոս՝ Մաթևոսյան Հովհաննես)։
Հանդիպման ժամանակ (ժամը
15։30-16։00) աշակերտները կծանոթանան հանրապետական օլիմպիադայի փորձնական փուլի ժամանակ հանդիպող լաբորատոր մի շարք սարքավորումների հետ աշխատելու ընդհանուր սկզբունքներին։ Այդ ընթացքում ուսուցիչների և հանձնաժողովի անդամների մասնակցությամբ տեղի կունենա քննարկում, որի առանցքային թեման է Հայաստանի ազգային օլիմպիադայի զարգացումը և նպատակները։
Նշենք նաև, որ առաջին դասախոսությանը մասնակցեցին մոտ 130 աշակերտ և 30 ուսուցիչ։
Երկրորդ դասախոսությանը մասնակցելու համար խնդրում ենք գրանցվել մինչև
դեկտեմբերի 9-ը՝ նամակ ուղարկելով armchemolymp@gmail.com էլ-փոստի հասցեին, որտեղ նշված կլինի մասնակցի
● անուն-ազգանունը
● կարգավիճակը (ուսուցիչ/աշակերտ),
● դպրոցի ամբողջական անվանումը։
Անցկացման վայրի հետ կապված տեղեկատվությունը մենք կտրամադրենք գրանցված ուսուցիչներին և աշակերտներին էլեկտրոնային նամակով։
Սպասում ենք բոլորիդ։
Հարգանքներով՝ ՀՔՕ 2020-ի կազմկոմիտե

Pages