Հայտարարություններ

Հանրապետական փուլերի 1-ին կարգի դիպլոմների հանձնում

2015-2016 ուստարվա դպրոցականների առարկայական օլիմպիադաների հանրապետական փուլերի 1-ին կարգի դիպլոմների հանձնումը տեղի կունենա 2016 թ. հունիսի 15-ին՝ ժամը 14:00-ին, ՀՀ կրթության և գիտության նախարարությունում (ք.Երևան, Վ.Սարգսյան 3):
Դիպլոմակիր աշակերտների (տես ցուցակը...) մուտքը մինչև
13:30:

2016-2017 ուսումնական տարվա ընդունելություն Ա.Շահինյանի անվան ֆիզիկամաթեմատիկական հատուկ դպրոցում

Երևանի պետական համալսարանին առընթեր Ա.Շահինյանի անվան ֆիզիկամաթեմատիկական հատուկ դպրոցը հայտարարում է 2016-2017 ուսումնական տարվա ընդունելություն 7-րդ, 8-րդ և 10-րդ դասարաններում:

ՖԻԶՄԱԹ ԴՊՐՈՑ ԸՆԴՈՒՆՎԱԾ ԱՇԱԿԵՐՏՆԵՐԻ ՑՈՒՑԱԿՆԵՐԸ՝
7-րդ դասարան (12 և ավելի միավոր),
8-րդ դասարան (12 և ավելի միավոր),
10-րդ դասարան (26 և ավելի միավոր):
Ուշադրություն: 7-րդ և 8-րդ դասարանների աշակերտները տեղափոխման թերթիկ ստանալու համար ներկայանան, իսկ 10-րդ դասարանի աշակերտները հիմնական կրթության վկայականը և բժշկական քարտը ներկայացնեն ֆիզմաթ դպրոց ս.թ. օգոստոսի 22-ից 28-ը ներառյալ:
Մինչև
օգոստոսի 29-ը անձնական գործը չներկայացրած աշակերտը զրկվում է ֆիզմաթ դպրոց ընդունվելուց:

Այս ուսումնական տարում բացվելու է բնագիտական հոսքով մեկ 10-րդ դասարան:
Առաջին անգամ Ֆիզմաթ դպրոցը կատարում է ընդունելություն բնագիտական` քիմիա-կենսաբանություն, հոսքի 10-րդ դասարանում:
Դիմորդները պետք է ներկայացնեն հետևյալ փաստաթղթերը՝
• առաջադիմության թերթիկ (տնօրենի կողմից հաստատված)
• 2 լուսանկար (3×4 չափսի)
• դիմում (լրացվում է տեղում)։
Դիմորդները փաստաթղթերը կարող են ներկայացնել
հունիսի 1-ից մինչև հունիսի 17-ը ներառյալ, ամեն օր՝ ժամը 10:00-ից 15:00-ը, բացի կիրակի օրերից։
Դիմորդները
հունիսի 21-28-ը հանձնելու են քննություններ.
• 7-րդ և 8-րդ դասարաններ - մաթեմատիկա,
• 10-րդ դասարան՝ ֆիզմաթ հոսք - մաթեմատիկա և ֆիզիկա,
• 10-րդ դասարան՝ բնագիտական հոսք - մաթեմատիկա և բնագիտություն (ֆիզիկա, քիմիա և կենսաբանություն առարկաներից միասնական թեստ):
Խնդրագիրքը կարող եք բեռնել կից Xndragirq-2015.pdf ֆայլից:
Դպրոցում ուսուցումը, սնունդը և հանրակացարանն անվճար են:
ԺԱՄԱՆԱԿԱՑՈՒՅՑ:
Ընդունելության քննությունները տեղի կունենան՝
7-րդ դասարան՝
- 1-ին փուլ՝ հունիսի 21-ին ժ.9:00;
- 2-րդ փուլ՝ հունիսի 23-ին ժ.13:00;
8-րդ դասարան՝
- 1-ին փուլ՝ հունիսի 21-ին ժ.12:00;
- 2-րդ փուլ՝ հունիսի 25-ին ժ.9:00;
10-րդ դասարան՝
- 1-ին փուլ՝ հունիսի 24-ին ժ.9:00 (մաթեմատիկա);
- 2-րդ փուլ՝ հունիսի 28-ին ժ.9:00 (ֆիզիկա/բնագիտություն);
Հարցերի դեպքում զանգահարել +374 10 201310:

Երևանի քաղաքային /մարզային/ փուլի 1-ին կարգի դիպլոմակիրներին

Ս/թ մայիսի 2-ին, ժամը 13:45-ին Երևանի քաղաքային /մարզային/ փուլի 1-ին կարգի դիպլոմակիրները հրավիրվում են Երևանի քաղաքապետարան մրցանակները ստանալու համար:
Տես 1-ին կարգի դիպլոմակիրների ցուցակը կից ֆայլում:

Բացառիկ մրցույթ մաթեմատիկայից 6-9-րդ դասարանցիների համար

«Քվանտ» վարժարանը հրավիրում է 6-9-րդ դասարանների շնորհալի աշակերտներին՝ մասնակցելու մաթեմատիկայի՝ «Oժտված երեխաներ - Քվանտ 2016» մրցույթին: Հաղթողներն իրավունք կստանան անվճար կամ արտոնյալ պայմաններով որակյալ կրթություն ստանալու վարժարանում։ Նրանք կունենան նաև առանձին արտոնություններ ուսումը վարժարանի Միջազգային բակալավրիատի համակարգում (IB Diploma Programme) (11-12-րդ դասարաններ) շարունակելու դեպքում:
«Oժտված երեխաներ - Քվանտ 2016» մրցույթի գրավոր և բանավոր փուլերը կկայանան 2016 թ. մայիսի 8-ին և մայիսի 9-ին:
Մրցույթում լավագույն արդյունք ցուցաբերած աշակերտները կարժանանան կրթաթոշակի (ամսական՝ մինչև 50 000 դրամ) կամ միանվագ պարգևի: Մաթեմատիկայի օլիմպիադայի մարզային և հանրապետական փուլերում դիպլոմ ստացած աշակերտներին կտրվեն առանձին արտոնություններ:
Մրցույթին մասնակցել ցանկացողները կարող են զանգահարել (010) 42-22-17, (091) 23-29-51 հեռախոսահամարներով կամ գրանցվել՝ սեղմելով այստեղ...:

Դիմել մինչև ս.թ. մայիսի 7-ը։

ԳԵՐՄԱՆԵՐԵՆԻ հանրապետական փուլի մասնակիցներին՝ ՀԱՅՏԱՐԱՐՈՒԹՅՈՒՆ

ՀԱՅՏԱՐԱՐՈՒԹՅՈՒՆ: Գերմաներենի օլիմպիադայի սիրելի' մասնակից,
Գերմաներենի միջազգային օլիմպիադային մասնակցելու ընտրական փուլի կապակցությամբ դեսպան Քիսլերը քեզ և քո ուսուցչուհուն, ում շնորհիվ դու հասել ես հրաշալի արդյունքի, ապրիլի 14-ին՝ ժամը 16.30-ին, հրավիրում է դեսպանություն ընդունելության:
Խնդրում ենք քեզ հետ վերցնել անձը հաստատող որևէ փաստաթուղթ և դեսպանություն այցելել քո գերմաներենի ուսուցչի հետ միասին:
Շնորհակալություն:
Բարեկամական ողջույններով՝
Սոնյա Էսվայն
Դեսպանի օգնական, կցորդ
Գերմանիայի Դաշնային Հանրապետության դեսպանություն
Չարենցի 29
0025 Երևան
Բջջ.՝ +374-55-38 39 45
Հեռ.՝ (+374 10) 523279, 524581
Ֆեյսբուք՝ https://www.facebook.com/deutschebotschafteriwan

Տես ԳԵՐՄԱՆԵՐԵՆԻ հանրապետական օլիմպիադայի ԴԻՊԼՈՄՆԵՐԻ արժանացած մասնակիցների ՑՈՒՑԱԿԸ...

ՈՒՇԱԴՐՈՒԹՅՈՒՆ: Գերմաներենի հանրապետական օլիմպիադայի գովասանագրերը կարող եք ստանալ Երևանի Վ.Բրյուսովի անվան պետական լեզվաբանական համալսարանի 2-րդ մասնաշենքի 212 լսարանում ս.թ. ապրիլի 15-ին ժամը 15:00-ին:
Տես ԳԵՐՄԱՆԵՐԵՆԻ հանրապետական օլիմպիադայի ԳՈՎԱՍԱՆԱԳՐԵՐԻ արժանացած մասնակիցների ՑՈՒՑԱԿԸ...
Հանրապետական հանձնաժողովի նախագահ՝ Մելանյա Աստվածատրյան:

Աշխարհագրության հանրապետական օլիմպիադայի դիպլոմակիրներին

ՈՒՇԱԴՐՈՒԹՅՈՒՆ: Աշխարհագրության հանրապետական օլիմպիադայի արդյունքում I, II, III կարգի դիպլոմների արժանացած 9-րդ, 10-րդ, 11-րդ և 12-րդ դասարանների աշակերտները հրավիրվում են պարապմունքների ԵՊՀ աշխարհագրության և երկրաբանության ֆակուլտետի թիվ 413 կաբինետում ս.թ. ապրիլի 8-ից յուրաքանչյուր ուրբաթ օր ժամը 14:30-ին:

Հանրապետական հանձնաժողովի նախագահ՝ Արսեն Գրիգորյան:

Քիմիայի հանրապետական օլիմպիադայի դիպլոմակիրներին

ՈՒՇԱԴՐՈՒԹՅՈՒՆ: Քիմիայի հանրապետական օլիմպիադայի արդյունքում I, II, III կարգի դիպլոմների արժանացած 10-րդ, 11-րդ և 12-րդ դասարանների աշակերտները հրավիրվում են պարապմունքների ԵՊՀ-ին առընթեր Ա.Շահինյանի անվան ՖԻԶՄԱԹ հատուկ դպրոց ս.թ. ապրիլի 7-ից:

Հանրապետական հանձնաժողովի նախագահ՝ Լիդա Սահակյան:

Կենսաբանության հանրապետական օլիմպիադայի դիպլոմակիրներին

ՈՒՇԱԴՐՈՒԹՅՈՒՆ: Կենսաբանության հանրապետական օլիմպիադայի արդյունքում I, II, III կարգի դիպլոմների արժանացած 10-րդ, 11-րդ և 12-րդ դասարանների աշակերտները ս.թ. ապրիլի 4-ից հրավիրվում են պարապմունքների թիվ 118 ավագ դպրոց:

Հանրապետական հանձնաժողովի նախագահ՝ Գայանե Ղուկասյան:

Դպրոցականների առարկայական օլիմպիադաների պատասխանների և արդյունքների մասին

Հարգելի գործընկերներ,

Դպրոցականների առարկայական օլիմպիադաների աշխատանքներին կարող եք հետևել միաժամանակ lib.armedu.am և www.olymp.am կայքերից:
Յուրաքանչյուր առարկայի օլիմպիադայի ավարտից հետո երրորդ աշխատանքնային օրը կտեղադրվի պատասխանները:

ՄԱԹԵՄԱՏԻԿԱՅԻ արդյունքները կտեղադրվեն մինչև ս.թ. փետրվարի 15-ը, իսկ մնացած առարկաներինը` մինչև ս.թ. փետրվարի 22-ը:

Օլիմպիադայի կազմկոմիտե

Ի գիտություն ԻՆՖՈՐՄԱՏԻԿԱ առարկայի օլիմպիադայի մասնակիցների

Հարգելի՛ տնօրեններ, սիրելի՛ աշակերտներ

Հայտնում ենք, որ ԻՆՖՈՐՄԱՏԻԿԱ առարկայի օլիմպիադայի համար այս պահին գրանցվել է 1552 աշակերտ, ինչն ուրախալի է, քանի որ առարկայով հետաքրքրվողների թիվը ավելացել է: Սակայն ուզում ենք նշել նաև ԻՆՖՈՐՄԱՏԻԿԱ առարկայի օլիմպիադայի հանրապետական հանձնաժողովի մտահոգությունն առ այն, որ 10-րդ և ավելի ցածր դասարաններում, ըստ հանրակրթական ծրագրերի և չափորոշիչների, ծրագրավորման լեզուներ չեն ուսումնասիրում, իսկ ԻՆՖՈՐՄԱՏԻԿԱ առարկայի ԸՆԹԱՑԱԿԱՐԳԻ համաձայն մասնակիցները պետք է լավ տիրապետեն ծրագրավորման C, C++ և ՊԱՍԿԱԼ լեզուներից որևէ մեկին:

Հաշվի առնելով վերոնշյալը և հանձնաժողովի մտահոգությունը՝ ԻՆՖՈՐՄԱՏԻԿԱ առարկայի օլիմպիադայի վերջնական ցուցակները հստակեցնելու համար անհրաժեշտ է, որ մասնակիցը նախօրոք պարտադիր գրանցվի i.olymp.am կայքում և իր ԱՆՁՆԱԿԱՆ ՀԱՄԱՐԻՆ համապատասխան գրանցի գաղտնաբառ, ըստ որի կհաստատվի որպես օլիմպիադայի մասնակից: i.olymp.am կայքը կգործի ս.թ. փետրվարի 1-ից 6-ը:

Հիշեցնենք, որ օլիմպիադայի փորձնական փուլը, որին մասնակցելը պարտադիր է, անցկացվելու է ս.թ. փետրվարի 9-ին՝ ժ. 14:00-ին, իսկ օլիմպիադան՝ ս.թ. փետրվարի 12-ին՝ ժ. 12:30-ին:

Օլիմպիադայի կազմկոմիտե

Pages