Հայտարարություններ

Քիմիա առարկայի օլիմպիադայով բոլոր հետաքրքրվողներին – 2-րդ դասախոսության

Մեծարգո ուսուցիչներ և աշակերտներ,
Սիրով հրավիրում ենք բոլորիդ ՀՔՕ 2020-ի երկրորդ դասախոսությանը, որը տեղի կունենա սույն թվականի
դեկտեմբերի 14-ին ԵՊՀ-ում։ Դասախոսությունը կսկսվի ժամը 11։00-ին և կավարտվի 16։00-ին (13։00-14։00՝ ընդմիջում)։ Երկրորդ դասախոսության թեմաներն են`
1. Կինետիկա։ Ռեակցիայի կարգը (դասախոս՝ Դավինյան Անդրանիկ)։
2. Թերմոդինամիկա։ Երկրորդ օրենքը (դասախոս՝ Աղեկյան Մովսես)։
3. Քիմիական լաբորատորիայի անվտանգության կանոններ։ Սինթեզում կիրառվող գործողություններ (դասախոս՝ Մաթևոսյան Հովհաննես)։
Հանդիպման ժամանակ (ժամը
15։30-16։00) աշակերտները կծանոթանան հանրապետական օլիմպիադայի փորձնական փուլի ժամանակ հանդիպող լաբորատոր մի շարք սարքավորումների հետ աշխատելու ընդհանուր սկզբունքներին։ Այդ ընթացքում ուսուցիչների և հանձնաժողովի անդամների մասնակցությամբ տեղի կունենա քննարկում, որի առանցքային թեման է Հայաստանի ազգային օլիմպիադայի զարգացումը և նպատակները։
Նշենք նաև, որ առաջին դասախոսությանը մասնակցեցին մոտ 130 աշակերտ և 30 ուսուցիչ։
Երկրորդ դասախոսությանը մասնակցելու համար խնդրում ենք գրանցվել մինչև
դեկտեմբերի 9-ը՝ նամակ ուղարկելով armchemolymp@gmail.com էլ-փոստի հասցեին, որտեղ նշված կլինի մասնակցի
● անուն-ազգանունը
● կարգավիճակը (ուսուցիչ/աշակերտ),
● դպրոցի ամբողջական անվանումը։
Անցկացման վայրի հետ կապված տեղեկատվությունը մենք կտրամադրենք գրանցված ուսուցիչներին և աշակերտներին էլեկտրոնային նամակով։
Սպասում ենք բոլորիդ։
Հարգանքներով՝ ՀՔՕ 2020-ի կազմկոմիտե

Անվանական կրթաթոշակ` օլիմպիադաներում բարձր արդյունք ցուցաբերած աշակերտների համար

2020 թվականի հունվարի 1-ից կգործի հանրակրթական ուսումնական հաստատությունների սովորողներին ԿԳՄՍ նախարարության անվանական կրթաթոշակի տրամադրման նոր կարգը։
Մեկ տարի ժամանակով ամսական նշված չափի կրթաթոշակ կարող են ստանալ հանրակրթական ուսումնական հաստատությունների այն սովորողները, որոնք բավարարում են հետևյալ չափանիշներից առնվազն մեկին`

I - միջազգային առարկայական օլիմպիադաների եզրափակիչ փուլերի մասնակիցներ․
• առաջին կարգի դիպլոմակիրներին՝ 25․000 դրամ
• երկրորդ կարգի դիպլոմակիրներին՝ 20․000 դրամ
• երրորդ կարգի դիպլոմակիրներին՝ 15․000 դրամ
• եզրափակիչ փուլերի այլ մասնակիցներին՝ 10․000 դրամ
II - միջազգային դպրոցական այլ օլիմպիադաների (Ժաուտիկովյան միջազգային օլիմպիադա, Մենդելեևյան միջազգային օլիմպիադա և այլն) եզրափակիչ փուլերի մասնակիցներ.
• առաջին կարգի դիպլոմակիրներին՝ 15․000 դրամ
• երկրորդ կարգի դիպլոմակիրներին՝ 10․000 դրամ
• երրորդ կարգի դիպլոմակիրներին՝ 7․500 դրամ,
III - ՀՀ առարկայական հանրապետական օլիմպիադաների եզրափակիչ փուլերի հաղթողներ (դիպլոմակիրներ).
• առաջին կարգի դիպլոմակիրներին՝ 10․000 դրամ,
• երկրորդ կարգի դիպլոմակիրներին՝ 7․500 դրամ,
• երրորդ կարգի դիպլոմակիրներին՝ 5․000 դրամ:

ՀՀ ԿԳՄՍ նախարարի 03.09.2019թ․-ի N:605-Ա/2 հրամանը և ՀԱՎԵԼՎԱԾԸ տես կից PDF ֆայլերում։
Աղբյուր՝
տես հղումը ․․․․

Քիմիա առարկայի օլիմպիադայով բոլոր հետաքրքրվողներին

Հարգելի ուսուցիչներ և աշակերտներ,
Սիրով ուզում ենք Ձեզ հրավիրել քիմիայի առարկայական օլիմպիադայի նախապատրաստական դասախոսություններից առաջինին, որը տեղի կունենա սույն թվականի
նոյեմբերի 23-ին ժամը 11:00-ին ԵՊՀ-ում։ Նախատեսվում են դասախոսություններ հետևյալ թեմաներով․
1․Լյուիսի կառուցվածքային բանաձև։ VSEPR տեսություն։
2․Թերմոդինամիկայի հիմնական եզրույթները։ Առաջին օրենք։
3․Քիմիական կինետիկա։ Ռեակցիայի կարգ։ Մոլեկուլյարություն։
Կլինեն նաև թեմաներին վերաբերվող խնդիրների և վարժությունների համատեղ քննարկումներ։
Աշխատանքները կավարտվեն ժամը 16:00-ին։
Ժամը 13:00-14:00 ընդմիջում։
Խնդրում ենք մինչև սույն թվականի նոյեմբերի 14-ը ամրագրել Ձեր մասնակցությունը,նամակ ուղարկելով armchemolymp@gmail.com էլ-փոստի հասցեին, որում նշել․
• Անուն, Ազգանուն
• Կարգավիճակ (աշակերտ/ուսուցիչ)
• Դպրոցի ամբողջական անունը
Սպասում ենք քիմիա առարկայի օլիմպիադայով բոլոր հետաքրքրվողներին։
Քիմիայի առարկայական օլիմպիադայի կազմկոմիտե։

ՀՀ ԿԳՄՍ ՆԱԽԱՐԱՐԻ ՀՐԱՄԱՆ N:888 Ա/2, 21.10.2019թ

ՀԱՆՐԱՊԵՏԱԿԱՆ ԱՌԱՐԿԱՅԱԿԱՆ ՕԼԻՄՊԻԱԴԱՆԵՐԻ ՆԱԽԱԳԱՀՆԵՐԻ ԿԱԶՄԸ ՀԱՍՏԱՏԵԼՈՒ ՄԱՍԻՆ

ՀՀ ԿԳՄՍ ՆԱԽԱՐԱՐԻ ՀՐԱՄԱՆ No 896-Ա/2 21.10.2019

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴՊՐՈՑԱԿԱՆՆԵՐԻ 2019-2020 ՈՒՍՈՒՄՆԱԿԱՆ
ՏԱՐՎԱ ԱՌԱՐԿԱՅԱԿԱՆ ՕԼԻՄՊԻԱԴԱՆԵՐԻ /ՄԱԹԵՄԱՏԻԿԱ, ՔԻՄԻԱ, ԱՍՏՂԱԳԻՏՈՒԹՅՈՒՆ, ԿԵՆՍԱԲԱՆՈՒԹՅՈՒՆ, ԻՆՖՈՐՄԱՏԻԿԱ, ՖԻԶԻԿԱ, ԱՇԽԱՐՀԱԳՐՈՒԹՅՈՒՆ/
ԱՆՑԿԱՑՄԱՆ ԸՆԹԱՑԱԿԱՐԳԵՐԸ ՀԱՍՏԱՏԵԼՈՒ ՄԱՍԻՆ
ՓՈՓՈԽՈՒԹՅՈՒՆ No 896-Ա/2 21.10.2019 ՀՐԱՄԱՆՈՒՄ

2019-2020 ուստարվա դպրոցականների առարկայական օլիմպիադաների մասնակիցների ցուցակների մասին

Հարգելի տնօրեններ և մարզային պատասխանատուներ,
2019-2020 ուստարվա դպրոցականների առարկայական օլիմպիադաների կազմակերպման և անցկացման աշխատանքները կատարելու նպատակով խնդրում ենք դպրոցական փուլի մասնակիցների ցուցակները ներկայացնել մարզպետարանի կրթության, մշակույթի և սպորտի վարչությունը /Երևանի քաղաքապետարանի հանրակրթության վարչությունը/ մինչև 2019թ․
նոյեմբերի 1-ը ներառյալ համաձայն կից ներկայացված Հավելված 1-ի, իսկ մարզպետարանների կրթության, մշակույթի և սպորտի վարչությունները /Երևանի քաղաքապետարանի հանրակրթության վարչությունը/ մինչև 2019թ․ նոյեմբերի 15-ը ներառյալ մշակված ցուցակները ուղարկեն հանրապետական կազմկոմիտեին` info@olymp.am հասցեով։
Հ․Գ․ ՀՀ ԿԳՄՍ ենթակայության տակ գործող Երևանի ավագ և մասնավոր դպրոցների աշակերտների ցուցակները ուղարկել info@olymp.am էլ․փոստի հասցեին։
Attachment: 

ՔԻՄԻԱՅԻ ՈՒՂՂՈՐԴՈՂ ԾՐԱԳԻՐ ԵՎ ՆԱԽԱՊԱՏՐԱՍՏԱԿԱՆ ԽՆԴԻՐՆԵՐ

ՔԻՄԻԱՅԻ 2020Թ . ՀԱՆՐԱՊԵՏԱԿԱՆ ՕԼԻՄՊԻԱԴԱՅԻ ՈՒՂՂՈՐԴՈՂ ԾՐԱԳԻՐ ԵՎ ՆԱԽԱՊԱՏՐԱՍՏԱԿԱՆ ԽՆԴԻՐՆԵՐ
Ներկայացված ծրագիրը կօգնի աշակերտներին կողմնորոշվել և պատկերացնել պահանջվող գիտելիքների մոտավոր սահմանը։ Ծրագրում ներառված են այն հիմնական թեմաները, որոնց իմացությունն անհրաժեշտ է օլիմպիադաների ժամանակ հանդիպող խնդիրների մեծ մասի լուծման համար։ Օլիմպիադաների խնդիրներում երբեմն հանդիպում են թեմաներ, որոնք չկան ծրագրում, սակայն դա խնդիր չէ, քանի որ այդ խնդիրները հնարավոր է լուծել հիմնվելով տրամաբանության, մաթեմատիկական հմտությունների և քիմիական բազային կրթության վրա։ Նախքան այս ծրագրի թեմաները ուսումնասիրելը աշակերտը պետք է հնարավորինս լավ տիրապետի դպրոցական ծրագրին:
Թեմաներին կարող եք ծանոթանալ մեր խորհուրդ տված գրականությունից, համացանցից կամ այլ աղբյուրներից։
Թեմաների դիմաց գրված են թվեր, որոնցից 1-ով նշված են այն թեմաները, որոնք վերաբերում են 9-րդ, 10-րդ, 11-րդ և 12-րդ դասարանների աշակերտներին, 2-ով՝ 10-րդ, 11-րդ և 12-րդ դասարանների աշակերտներին, 3-ով՝ 11-րդ և 12-րդ դասարանների աշակերտներին։
Նախապատրաստական խնդիրները տրվում են աշակերտներին տվյալ տարվա օլիմպիադային առավել լավ պատրաստվելու համար: Հանրապետական օլիմպիադայում լինելու են նախապատրաստական խնդիրների կառուցվածքին, բարդությանը և թեմաներին համապատասխան խնդիրներ:
Հետևեք olymp.am կայքին եւ մեր ֆեյսբուքյան կայքէջին նորություններին ծանոթանալու համար։ Խնդիրների լուծումները կուղարկվեն դեկտեմբերի 15-ից 20-ն ընկած ժամանակահատվածում կայքի եւ ֆեյբուքյան էջի միջոցով։ Մեր ֆեյսբուքյան կայքէջի հղումն է՝
ՖԵՅՍԲՈՒՔՅԱՆ ԷՋ․․․
Ծրագիրը և նախապատրաստական խնդիրներն ամբողջությամբ՝
2020-Ծրագիր.pdf․․․
Օժանդակ նյութեր՝
Crystal structure and crystal geometry.pdf․․․
Gary Miessler-Inorganic Chemistry.pdf․․․
General Chemistry-Raymond Chang.pdf․․․
Алексеевцколичественнй анализ.pdf․․․
Клейден Д. и др. - Органическая химия ч.1 - 200․․․
Клейден Д. и др. - Органическая химия ч.2 - 200...
Клейден Д. и др. - Органическая химия ч.3 - 200...
Неорганическая химия. Т. 1. Под ред. Ю.Д. Треть...
Неорганическая химия. Т. 2. Под ред. Ю.Д. Треть...
Неорганическая химия. Т. 3, кн. 1. Под ред. Ю.Д...
Основы современного органического синтеза.pdf․․․
Раймонд Чанг-Физическая химия.pdf

Երևանի մարզային փուլի I կարգի դիպլոմների հանձնում

Սիրելի՛ աշակերտներ,
տեղեկացնում ենք, որ առարկայական օլիմպիադաների Երևանի մարզային փուլերի I կարգի դիպլոմները կհանձնվեն ս․թ․ հունիսի 7-ին ժամը 16:00-ին քաղաքապետարանում /հասցե` Արգիշտիի փող., 1 շենք/։
Ուշադրություն։
- Ներկայանալ ժամը 15:30-ին:
- Դիպլոմների հանձնմանը կարող են մասնակցել նաև ծնողները կամ ուսուցիչները:
- I կարգի դիպլոմների արժանացած մասնակիցների ցուցակը տես կից PDF ֆայլում։
Հարգանքներով՝ օլիմպիադաների կազմկոմիտե։

II, III կարգի դիպլոմներ և ԳՈՎԱՍԱՆԱԳՐԵՐ - 2019 թ․

Սիրելի՛ աշակերտներ,
տեղեկացնում ենք, որ առարկայական օլիմպիադաների հանրապետական փուլերի I կարգի դիպլոմները կհանձնվեն ս․թ․ մայիսի 21-ին ժամը 14:00-ին ԿԳՆ-ում /հասցե` Վազգեն Սարգսյան 3, Կառավարական տուն 2/, իսկ ք․Երևանի մասնակիցների II, III կարգի դիպլոմները և գովասանագրերը կհանձնվեն ս․թ․ մայիսի 21-ին (օրը տեղափոխվել է) ժամը 15:00-ին Ա․Շահինյանի անվան ֆիզմաթ հատուկ դպրոցում /հասցե` Ազատության պող.2-րդ նրբ.թիվ 9, հեռ․ 010-20-13-10/։
Մարզերի մասնակիցների դիպլոմները և գովասանագրերը կհանձնվեն մարզպետարանների կրթության վարչությունների կողմից իրենց իսկ նշված օրը և ժամին։
Տե՛ս I կարգի դիպլոմների, ք․Երևանի II, III կարգի դիպլոմների և գովասանագրերի արժանացած մասնակիցների ցուցակը կից PDF ֆայլերում։
Հարգանքներով՝ օլիմպիադաների կազմկոմիտե։

Միջազգային օլիմպիադայի ընտրական փուլի հավակնորդների պարապմունքներ - 2019

Ուշադրություն։ Հանրապետական օլիմպիադաների I, II և III կարգի դիպլոմների արժանացած աշակերտները հրավիրվում են մասնակցելու միջազգային օլիմպիադաների հավակնորդների ընտրական փուլի պարապմունքներին հետևյալ ժամանակացույցով, վայրերում և դասարանների՝
- Ֆիզիկա՝
ապրիլի 4 -ին /հինգշաբթի օրը/ ժամը 15:00-ին ֆիզմաթ դպրոցում /10-րդ, 11-րդ և 12-րդ դասարաններ/։
- Ինֆորմատիկա՝
ապրիլի 4 -ին /հինգշաբթի օրը/ ժամը 15:00-ին ֆիզմաթ դպրոցում /բոլոր դասարաններ/։
- Կենսաբանություն՝
ապրիլի 5 -ին /ուրբաթ օրը/ ժամը 15:00-ին N:118 ավագ դպրոցում /10-րդ, 11-րդ և 12-րդ դասարաններ/։
- Քիմիա՝
ապրիլի 6 -ին /շաբաթ օրը/ ժամը 12:00-ին N:118 ավագ դպրոցում /10-րդ, 11-րդ և 12-րդ դասարաններ/։
- Մաթեմատիկա՝
ապրիլի 9 -ին /երեքշաբթի օրը/ ժամը 11:00-ին ֆիզմաթ դպրոցում /10-րդ, 11-րդ և 12-րդ դասարաններ/։
- Աշխարհագրություն՝
ապրիլի 16 -ին /երեքշաբթի օրը/ ժամը 15:00-ին ԵՊՀ աշխարհագրության և երկրաբանության ֆակուլտետ՝ N:413 կաբինետում /10-րդ, 11-րդ և 12-րդ դասարաններ/:
Հավակնորդների ցուցակները կցված են։
Օլիմպիադաների կազմկոմիտե

Pages